Ambasada ruse në Siri është bombarduar dy herë sot nga persona ende të panjohur.
Lajmi u bë me dije nga Ministria e jashtme ruse, e cila ka njoftuar se ambasada ruse në Damask është bombarduar dy herë rresht njëra pas tjetrës.
Agjencia ruse e lajmeve Tass shkruan se një nga predhat ka rënë në oborrin e brendshëm të ambasadës, ndërsa predha tjetër ka shkatërruar zyrat e misionit diplomatic. Megjithëse dy sulme njëri pas tjetrit, fatmirësisht nuk ka të lënduar por vetëm dëme materiale.
Ende nuk dihen shkaqet e ngjarjes, megjithatë Ministria e Jashtme ruse e cilëson si një provokim dhe tentativë për prishjen e paqes me Sirinë. (D.D/Shuplaka)
