Përkrahësit e Shtetit Islamik, i cili dyshohet se qëndron pas sulmit të rëndë të shënuar në Manchester, kanë shpërndarë mesazhe festive me hashtagë përkatës referuar ngjarjes së rëndë.
Pavarësisht se grupi militant ende nuk ka marrë përsipër sulmin, ata kanë kremtuar në mediat sociale me mesazhet që kanë shpërndarë.
“Duket se bombat e forcave ajrore britanike mbi fëmijët e Mosulit dhe Raqqa-s sapo u kthyen në Manchester”, ka shkruar në “Twitter” një përdorues me emrin Abdul Haqq.
Me mesazhet e tyre, mbështetësit e Shtetit Islamik kanë inkurajuar njëri-tjetrin për të kryer më tepër sulme të tipit “ujku i vetmuar” në Perëndim dhe SHBA.
(XH.A/SHUPLAKA)
