Bombë e të shtëna armësh në mes të qytetit/ Lëndohet një person, dëmtohen dhjetëra makina

Një ngjarje e pazakontë ka alarmuar qytetarët në Pejë mbrëmjen e kaluar në rrugën “Kreshnik Ademaj”.

Mësohet se janë dëgjuar mjete shpërthyese dhe të shtëna armësh, nga të cilat është lënduar një person dhe janë dëmtuar një numër i konsiderushëm i makinave të parkuara.

“Sipas të dhënave të para nga vendi i ngjarjes, janë dëgjuar dy shpërthime nga mjeti rrezikshëm shpërthyes dhe të shtëna me armë zjarri në një parking automjetesh në afërsi të një lokali në rrugën “Kreshnik Ademaj”, tha policia, transmeton Gazeta Express.

Nga ky shpërthim, lëndime të lehta trupore ka pësuar një person, të cilit ju ka afruar ndihma e menjëhershme mjekësore në Spitalin Rajonal Pejë dhe i njëjti pas ndërhyrjes mjekësore  është liruar për në shtëpi.

Për këtë rast deri më tani nuk është arrestuar askush, policia po punon në identifikimin e të dyshuarve.

“Një numër i konsiderueshëm i automjeteve të cilat ishin të parkuara në ketë vend janë dëmtuar. Rasti është duke u hetuar nga Njësiti  Hetimeve Rajonale DRP  Pejë dhe deri më tani ende nuk janë identifikuar personat e mundshëm të dyshuar për ketë rast”, përfundoi policia.