Një nga banorët e Thethit u ka bërë thirrje strukturave të emergjencës ta kthejnë kokën nga zona, pasi gjenden krejtësisht të bllokuar.
“Jam një banor I Thethit I lagjes GJegjaj. Desha me bo I kërkesë të gjitha institucioneve shtetërore për gjendjen që jemi në theth. Pa drita, pa rruge, pa sherbim mjekesor, pa asgje, vetem me forcat tona. Itu ne lagjen time itash ka 50 cm bore, rruget e bllokume, nese asht mundesia me kthy kryet nga Thethi, gjendjen e kena shume te keqe,”- shprehet banori në një video.
Pamjet janë bërë publike nga deputetit I PD-së, Bardh Spahia, i cili gjithashtu u bën thirrje bëj thirrje strukturave të emergjencës të ndërhyjnë dhe në zonën e Dukagjinit ku qindra banorë të malësive janë të izoluar nga dëbora.
REAGIMI I DEPUTETIT SPAHIA
Po ndjek nga terreni gjendjen e renduar në njësitë administrative të Dajcit dhe Rrethinave ku banorët, kanë mbi 48 orë pa furnizim me energji elektrike. ata u shprehën se nga OSSHE nuk ka asnjëndërhyrje për të rregulluar defektet , ndërkohë që këta banorë janë të përpiktë në pagesat e energjisë. Temperaturat po ulen dhe komuniteti i këtyre zonave kërkon ndërhyrje emergjente për zgjidhjen e situatës dhe për mungesën e ngrohjes.
Ndërkohë i bëj thirrje strukturave të emergjencës të ndërhyjnë dhe në zonën e Dukagjinit ku qindra banorë të malësive janë të izoluar nga dëbora. Mungesa e energjisë dhe e shërbimeve po vështirëson nga ora në orë, jetën e banorëve atje veçanërisht të të moshuarve, dhe të fëmijëve.
Edhe pse kryeministri e ministrat flasin për tejkalim të emergjencës së rreshjeve , në fakt pasojat dhe paraliza e shërbimeve të energjisë dhe furnizimit me ujë vazhdon. Ndërkohë një emergjencë e re, ajo e dëborës, po thellohet në Veri dhe zonat tursitike malore gjenden të braktisura. Nuk është koha të flasim për hotele me pesë yje por për shërbimet bazike dhe për sigurinë më kryesore atë të jetës së njerëzve.
Nje prej banoreve me ka nisur kete video ne fb tim, ku kerkon nderhyrje te menjehershme te shtetit per jeten e banoreve ne rrezik.
https://www.facebook.com/100009522289777/videos/1930839543910103/
Discussion about this post