Nga burime të Fax News në lidhje me situatën e motit në Qarkun e Shkodrës, kreu i emergjencave civile në prefekturën e këtij qarku, Pëllumb Dani ka raportuar se vijon mirëmbajtja e gjithë segmenteve rajonale.
“Drejtoria e Autoritetit Verior bën me dije se komunikimi i qendrës së Qarkut me bashkitë është plotësisht në rregull por në disa njësi administrative po punohet me zhbllokimin e disa rrugëve që për momentin konsiderohen të dëmtuara siç janë: njësitë administrative të Dukagjinit, njësitë administrative të Bashkisë Pukë, njësitë administrative të Bashkisë Fushë-Arrëz.” – thotë Dani.
Pëllum Dani thotë se nga informacionet e Drejtorisë Arsimore të Shkodrës, mësimi vazhdon i rregullt në të gjithë shkollat e qarkut por frekuentimi i nxënësve nuk është në nivele të ulëta për shkak të rreshjeve të borës.
Gjithashtu kreu i Emergjencave Civile të Shkodrës raporton se ka probleme me elektricitetin për shkak të erërave të forta, temperaturave të ulëtave dhe ngricave në zonat malore të Qarkut Shkodër.
“OSHEE është ngritur shtabi dhe grupet e gadishmërisë dhe po punojnë në terren për riparimin e defekteve.
Nga informacionet e Drejtorisë Vendore të Policisë mësohet se është e këshillueshme për mjetet që të lëvizin me zinxhirë sidomos në zonat e sipërpërmendura problematike të Dukagjinit, Pukës dhe Fushë-Arrëzit.” – thtoë Pëllumb Dani
(E.L/Faxweb)
Discussion about this post