Numri i refugjatëve nga Lindja e Mesme që po braktisin Greqinë dhe po nisen drejt Shqipërisë vijon të rritet. Sipas UNHCR, rreth 700 vetë ndodhen në gjendje të vështirë mbijetese, pa ngrohje në tendat dhe qendrat e pritjes.
Shumë prej tyre, nga Siria, India, Pakistani dhe Afganistani, u janë drejtuar pikave kufitare të Shqipërisë.
Sipas mjeteve greke të Informimit, Agjencia e OKB-së për Refugjatët UNCHR ka shprehur shqetësimin për situatën sidomos në ishujt grekë Samos dhe Lesbos. Shqetësimi është ngritur edhe nga aktivistët e të drejtave për refugjatët dhe përfaqësues të organizatave humanitare.
Sipas tyre, pesha e borës ka shembur në disa kampe çadrat ku refugjatët qëndrojnë në pritje të praktikave të identifikimit dhe më pas transferimit duke vështirësuar qëndrimin e tyre. (XH.A/SHUPLAKA)
