Ka përfunduar takimi mes ministrit Tahiri dhe ambasadorit të OSBE-së Bochart. Pas takimit ambasadori u shpreh se deklaratat e tij për 2 miliardë Euro nga droga janë keqkuptuar.
” Me ministrin Tahiri kam folur për rritjen e bashkëpunimit të mëtejshëm. E kam fjalën për një sërë fushash policimi në komunitet, apo lufta ndaj trafikut”, ka thënë Bochart.
Gazetarja: A i qëndroni deklaratës për 2 miliardë euro?
Ambasadori: Ka patur një keqkuptim në publik të cilat ne i sqaruam përmes një deklarimi në tëitter.
Gazetarja: Që do të thotë.
Ambasadori: Kisha parasysh që nga 2013 ka patur disa vlerësime ndërkombëtare që llogariten me një sasi droge që ka qarkulluar në Shqipëri në vlerën e rreth 2 miliardë eurove. Vitin e kaluar kemi parë shkatërrimin e 2.5 milionë bimëve kanabisi.
Kjo tregon që mbetet ende një lloj energjie kriminale. Përgëzojmë policinë, po kapjet e vazhdueshme tregojnë se përpjekjet duhet të vazhdojnë. Ne sigurisht diskutuam edhe për nevojën për të çuar para Reformën Zgjedhore dhe sesi këto para mund të mbahen larg zgjedhjeve.
