Temperaturat e ulëta të këtyre ditëve janë bërë shkak për reshjet e dëborës dhe ngricat në tërë vendin, por situata paraqitet pak më e ashpër në zonat veriore.
Vetëm në pjesën malore të Kukësit trashësia e dëborës shkon në 10-20 centimetra. Ndërsa në “Rrugën e Kombit” dëbora ka arritur deri në 4 centimetra. Ndërkohë ngricat kanë përfshirë disa akse rrugore si Pukë-Fushë Arrëz, Fushë-Arrëz-Kukës, Fushë-Arrëz-Gjegjan, Qafë Mali-Bajram Curri dhe Qafë e Buallit-Krastë. Ngrica dhe dëborë paraqiten edhe në rrugën e Iballës.
E njëjta situatë paraqitet edhe në rrethin e Bulqizës, ku ngricat kanë përfshirë akset rrugore: Bulqizë-Klos, Bulqizë-Peshkopi.
