Në një kohë që flitet për Reformën e Ujit nga ana e qeverisë kundrejt qytetarëve, ‘’Fax News” publikon detaje të forta nga qyteti i Fierit.
Nëse qytetarët nuk kanë ku shkojnë dhe do të jenë të detyruar të paguajnë detyrimet e prapambetura, pyetja që ngrihet është: çdo të ndodh me debitorët në rradhët e institucioneve dhe kompanive private.
Në një lidhje telefonike me studion e lajmeve, dhe gazetaren Armela Ferko, korrespodenti i ”Fax News” në Fier, Edmond Hoxhaj thotë se 7 milionë Euro është debia e institucioneve në Fier ndaj kompanisë së ujësjellës-kanalizimeve.
Një nga kompanitë që ka debinë më të madhe është kompania e naftës ARMO. Sipas zyrtarëve nga ujësjellësi i Fierit janë duke u përgatitur dosjet që do të kalojnë në Prokurori, pasi kjo përbën një shkelje penale.
Vetëm ARMO mendohet të ketë një debi përreth 1.5 milionë Euro, dhe ende nuk dihet cila do të jetë rruga që do të ndiqet në rast se kjo shifër nuk shlyhet në kohë.
(E.K/FAXWEB)
