Për herë të parë dy kombëtaret shqiptare të femrave, ajo e Shqipërisë dhe e Kosovës, do të ndeshen së bashku për një kompeticion madhor. Kjo për llogari të kualifikueseve të Botërorit 2019 që do të zhvillohet në Francë.
Shorti i hedhur në Nion të Zvicrës vuri përballë përfaqësuesen kuqezi me atë të Kosovës në fazën e parë, me grupin që do të plotësohet nga Greqia dhe Malta. Takimet do të luhen në vendin tonë më 6, 8 dhe 11 prill.
Katër fitueset e çdo grupi dhe skuadra e dytë me bilancin më të mirë ndaj kryesueses në grupin e vet do të kualifikohen në raundin e dytë, ku do të hidhet një tjetër short.
FIFA ka përcaktuar që në Botëror mund të marrin pjesë 10-të ekipe nga Europa, ku 9-të do të dalin nga këto kualifikuese të cilat do t’i bashkohen Francës organizatore. (A.R/SHUPLAKA)
GRUPET:
Discussion about this post