Braçe i kthen përgjigje Blushit për gjëegjëzën: Ha ha ha, po logjika a duhet?!

Deputeti socialist Erion Braçe i kthen përgjigje deputetit të LIBRA-s Ben Blushi, për gjëegjëzën  që ky i fundit i drejtoi në Kuvend.

Sipas Braçes, përgjigja e gjëegjëzës së Blushit nuk duhet kërkuar në libra.

 “Kryeministri i se ardhmes: Unë kam një mace, ta fal ty. Macja që të kam falur ty, kafshon pa dashje Taulantin. Kush e ka fajin, unë, ti, Taulanti apo macja? Ha ha ha ha ha ha ha!! Ky vlerësohet për artikulimin. OK! Po logjika a duhet? Mos e kërkoni përgjigjen nëpër libra. Nuk e gjeni dot!”, shkruan Braçe.

Por cila ishte gjëegjëza që deputeti Blushi i kërkoi Braçes që të kthente përgjigje?

 “LIBRA është regjistruar për të marrë pjesë në zgjedhje, por ai që keni emëruar ju nuk e lejon. Ende nuk është regjistruar LIBRA si parti politike në zgjedhje. A nuk është ky kërcënim politik para zgjedhjeve? Po të them një gjëegjëzë, shpresoj të më japësh një përgjigje:
Unë kam një mace, ta fal ty. Macja që të kam falur ty kafshon rastësisht Taluantin. Kush e ka fajin, unë, ti, Taulanti apo macja?”, tha Blushi nga foltorja e Kuvendit. (D.D/Shuplaka)