Një gomone e braktisur është gjetur paraditen e sotme pranë Sazanit. Brenda saj janë gjetur disa pako, që dyshohet të kenë në përmbajtje lëndë narkotike kanabis.
Referuar njoftimit të Ministrisë së Mbrojtjes, mësohet se mjeti lundrues nuk kishte njerëz në bord. Kërkimet janë përqëndruar edhe në det, për ndonjë person që mund të ketë qenë në gomone, por ka rënë në det.
Nuk ka informacione as për sasinë e lëndës narkotike brenda mjetit lundrues.
“Anija e forcës detare ka marre urdhër te kontrolloje dhe rajonin ne lidhje me ndonjë person qe mund te këtë rene ne det.
Anija e forcës detare gjen një gomone te braktisur afër Sazanit! Sot ne orën 11.45 Forca Detare merr njoftim nga personeli i shërbimit në Sazan se ne afërsi te bazës dallohet një objekt tip gomone e abandonuar, pa njerëz ne bord me një motor me ngjyre te bardhe.
Menjëherë ne rajon shkoi Anija e Rojës Bregdetare P-02, e cila konstatoi se gomonia është e mbushur me pako qe dyshohet se përmbajnë kanabis. Aktualisht mjeti po mbahet ne vazhdim nga Anija P-02 si dhe është njoftuar Policia Kufitare dhe Guardia di Finanza. Anija e forcës detare ka marre urdhër te kontrolloje dhe rajonin ne lidhje me ndonjë person qe mund te këtë rene ne det.”, citohet në njoftimin e Ministrisë së Mbrojtjes.
(XH.A/SHUPLAKA)
Discussion about this post