Në Shtetet e Bashkuara të Amerikës policia brenda vitit 2017 ka vrarë k 987 persona duke i qëlluar me armë, transmeton Anadolu Agency (AA).
Sipas një artikulli të gazetës “Washington Post”, të bazuar në statistikat e mbledhura nga burimet zyrtare lokale thuhet se në periudhën 2015-2017 rreth 3.000 persona kanë humbur jetën nga plumbat e policisë amerikane.
Sipas statistikave, policia në vitin 2015 ka vrarë 995 persona, 963 në vitin 2016 kurse 987 në vitin 2017.
Më tej thuhet se regjistrimi i statistikave për dhunën e policisë në gjithë shtetin ka nisur pas vrasjes së 18 vjeçarit Michael Brown nga policia në muajin gusht të vitit 2014.
Në artikull theksohet se policia nuk po kujdeset shumë edhe për jetën e kriminelëve. (J.V/Faxweb)
Discussion about this post