Zëvendës ministri i Ministrisë për Evropën dhe Punët e Jashtme, Etjen Xhafaj, i ftuar në studion e lajmeve në Fax News deklaroi se shifra 1.15 miliardë euro që u mblodh në Konferencën e Donatorëve në Bruksel, ishte përtej pritshmërisë.
Xhafaj u shpreh se është ngritur një grup që do të merret specifikisht me përthithjen e këtyre fondeve për një realizim sa më të shpejtë të investimeve.
Po ashtu zv.ministri Xhafaj theksoi se brenda tre javëve do të nisin edhe punimet e para, që sipas tij do të nisin tek zona e pallateve përballë bashkisë së qytetit të Laçit, që është dhe një nga zonat më të prekura.
Ndërkohë që duke përsëritur deklaratën e kryeministrit Rama, Xhafaj nënvizoi se synohet që brenda 2020 të ndërtohen të gjitha shtëpitë individuale.
“Ishte një tejkalim i asaj që ishte menduar nga qeveria shqiptare, shkuan përtej pritshmërisë, por është një mundësi e madhe zhvillmi për t’u kthyer në normalitet dhe për të pasur një kontribut në ekonominë e vendit
Negociatat do të fillojnë kur vendimi të zbardhet në tërësinë e tij. Kryeministri Rama ka ngritur një grup që do të merret specifikisht me përthithjen e këtyre fondeve në mënyrë që të kemi një realizim sa më të shpejtë të këtyre investimeve.
Kemi pasur gjatë gjithë kohës një vlerësim të dëmeve dhe një ndarje dhe përgatitje të asaj që do të jetë faza e ndërtimit.
Kemi nevojë për projekte specifike jo vetëm për ti ndërtuar, por edhe gjeologjike dhe infrakstukturore, duhet të jenë të urbanziuar dhe mos të kenë asnjë mungese. Ka projekte për zhvillimin e të gjitha zonave. Brenda tre javëve do të kemi edhe fillimin e punimeve të para.
Punimet e para do të nisin tek zona pallateve përballë bashkisë në qytetin e Laçit që është një nga zonat më të prekura dhe pastaj 504 banesat që janë premtuar nga Turqia.
Në gusht dhe në shtator do të kemi përfundimin e disa godinave. Qyteti i Laçi është shumë i prekur nga tërmeti, ka ndërtesa që nuk paraqesin siguri afatgjate.
Ne po përgatisim një plan pune të detajuar në baze të donatorëve dhe në bazë të metodologjisë së fondeve. Planifikimi do të thotë nga Marsi do të fillojë puna tek zonat e veçanta, tek godinat që ndërtohen më shpejt, siç janë shtëpitë individuale dhe kryeministri ka premtuar se do të jenë të përfunduar deri në fund të 2020.
Pas vitit 2020, në fund të viti 2021 të gjitha pallatet duhet të jenë ndërtuar dhe të jenë gati për banorët. Ky duhet thënë është një plan shumë ambicioz. Në rast se ne do të jemi efiçent siç synojmë te jemi do të ketë edhe një zhvillim ekonomik.”- u shpreh Xhafaj.
(M.Q/Faxweb.al)
Discussion about this post