Breshëri armësh nga xhami i makinës në Elbasan, autori ja mbadh me shpejtësi

Një person i paidentifikuar ishte duke ecur me makinë në mes të qyetetit në momentin që ka nxjerrë armën dhe ka shkrepur një breshëri. Ngjarja ka ndodhur në Elbasan, në rrethana që ende presin të sqarohen nga policia.

Mësohet se për fat nga të shtënat e armës nuk ka pasur persona të lënduar, edhe pse ka qenë piku u lëvizjes.

Policia njofton se nuk ka pasur lëndime nga të shtënat në ajër, ndërkohë që thekson se ka nisur hetimet për zbardhjen e ngjarjes dhe kapjen e autorit.

Policia bën të ditur se mjeti BMW është gjendur i djegur në lagjen “Haxhias” të qytetit të Elbasanit. Nga  verifikimet paraprake mjeti rezulton në pronësi të shtetasit B.B.

Njoftimi i policisë: 
Më datë 05.08.2017 në lagjen “Emin Matraxhiu”, në afërsi të “Urës së Bakallit” një mjet BMW, në ecje e sipër ka qëlluar me armë në ajër dhe me pas është larguar. Nuk ka dëme në njerëz.

Mjeti BMW është gjendur i djegur në lagjen Haxhias. Nga verifikimet paraprake mjeti rezulton në pronësi të shtetasit B.B.

Po punohet për identifikimin dhe kapjen e autorit.

(E.K/SHUPLAKA)