Vera e këtij vit, është kthyer në një makth për Shqipërinë. Reshjet e shiut të shoqëruara me breshër dhe stuhi pasditen e së hënës kanë prishur totalisht të mbjellat bujqësore në fshatin Guri i Zi dhe Labinot-Mal, në njësinë administrative Labinot-Mal në Elbasan.
Në momentin kur prodhimet ishin në kulmin e tyre një breshër i diametrit 3-5 cm prishi cdo gjë duke nisur nga kulturat bujqësore, pemtari e vreshtari, por më të dëmtuara janë mollët dhe rrushi. Tashme fermerët ndjehen të rrënuar, ndërsa vlera e dëmit është relativisht e lartë. Fermerët shprehen, se te ardhurat nga bujqësia janë e vetmja mënyrë që ata të mbijetojnë.Ata kanë kërkuar që të evidentohen dëmet në terren dhe te behet kompensimi i tyre nga strukturat përkatëse të drejtorisë së bujqësisë së Elbasanit.
Fremerët janë shprehur të alarmuar për Fax News, teksa thkesojnë se një breshër i tillë nuk e ishte parë ndonjëherë të binte.
Po ashtu edhe kryeplaku i fshatit Guri i Zi, Hysen Hyka është shprehur se gjendja është tepër alrmante dhe breshëri ka shkatërruar çdo të mbjellë.
Ndërsa administratori i njësisë administrative Labinot-Mal Ruzhdi Pisha tha se pushteti lokal do të ndjekë të gjitha procedurat e nevojshme për të kompletuar dosjet sipas ligjit dhe do të bëjë maksimumin për të dëmshpërblyer fermerët.
Kjo situatë e pazakontë për periudhën e verës, sipas banoreve të zonës do të ketë pasoja për të mbjellat edhe në vitet që do vijnë.Ndërkaq dëme më të vogla nga moti i keq i shoqëruar me stuhi, janë shkaktuar edhe në mjaft fshatra të tjerë të Qarkut të Elbasanit. Kujtojmë se edhe në muajin qershor Elbasani u prek nga një breshër i pazakontë, ndërsa fermerët nuk përfituan asnjë ndihmë nga shteti.
Pak minuta mëe parë ka reaguar në ‘Facebook’ edhe kreu i grupit parlametar të PS-së, Taulant Balla i cili shkruan se dëmet e raportuara janë të mëdha.
“Filloi sot evidentimi nga përfaqësuesit e Ministrisë së Bujqësisë i dëmeve të shkaktuara në disa njësi të Elbasanit nga breshëri i fortë”, shkruan Balla.
(E.V/Faxweb.al)
Discussion about this post