Një konflikt ka ndodhur mes disa të rinjve në rrugën “Brigada e 8”i njohur ndryshe si zona e Ish-BllokuT në Tiranë ku nuk kanë munguar as të shtënat me armë. Si pasojë e sherrit ka mbetur i lënduar Erlis Duka.
Erlis Duka është një 27 -vjeçar më banim në Tiranë dhe është dërguar për ndihmë mjekësore në spital. Më pas ai është arrestuar për veprën “Moskallzim krimi”. po kështu për këtë ngjarje në ambientet e policisë janë shoqëruar 15 persona.
DETAJE:
Më datë 10.11.2017, rreth orës 1:05, në Sallën Operative ka ardhur një telefonatë se në rrugën “Brigada e 8″ ka një konflikt dhe ka të shtëna me armë zjarri.
Menjëherë shërbimet e Policisë kanë shkuar në vendgjarje ku nga verifikimet paraprake rezultoi se : Në rrugën ” Brigada e 8″, ka patur një konflikt mes disa të rinjsh.
Si pasojë e konfliktit ka mbetur i dëmtuar shtetasi Erlis Duka, 27 vjeç, banues në Tiranë, i cili nuk ka dëmtime me armë zjarri, por dyshohet të jetë dëmtuar nga goditje me grushta. Shtetasi Erlis Duka, është dërguar për ndihmë mjekësore, ku më pas është arrestuar për veprën penale “Moskallëzim Krimi”. Gjatë konfliktit njëri prej shtetasve të përfshirë në konflikt ka qëlluar me armë zjarri në ajër. Në vendngjarje janë gjetur dhe sekuestruar në cilësinë e provës materiale dy gëzhoja arme zjarri. Janë shoqëruar në ambientet e policisë 15 persona për sqarime dhe verifikime të mëtejshme. Grupi hetimor po punon për zbardhjen e plotë të rrethanave të ngjarjes, identifikimin dhe kapjen e autorëve. (J.V/Faxweb)
Discussion about this post