Vetëm pak minuta më parë te “Rruga e Dibrës” është plagosur me armë zjarri një person.
I plagosuri është identifikuar me inicialet V.K, 28 vjeç.
Dëshmitarët nga vendngjarja thonë se personi që ka qëlluar mbi të riun ka qenë i veshur me të bardha. 28 vjeçari është dërguar me urgjencë në spital dhe është nën vëzhgimin e mjekëve.
Ende nuk dihet gjendja e tij shëndetësore. Policia ndodhet në vendngjarje dhe janë gjetur në të disa gëzhoja. Nga e policisë janë ngritur disa pika kontrolli në kryeqytet për kapjen e autorit.
DETAJE:
Një i ri ka mbetur i plagosur sot në kryeqytet. Policia pohon se rreth orës 09:30, në numrin e Emergjencave 112, ka ardhur një telefonatë për të shtëna me armë, në rrugën e Dibrës. Menjëherë në vendngjarje kanë mbërritur shërbimet e policisë dhe ambulanca.
Nga hetimet dhe verifikimet paraprake është plagosur me armë zjarri shtetasi V.K., 28 – vjeç .
Sipas të dhënave paraprake 28 – vjeçari është qëlluar nga një person i paidentifikuar i veshur me të bardha, rreth 1 e 60 i gjatë, i cili është larguar menjëherë nga vendi i ngjarjes.
Shtetasi i plagosur është transportuar në spital ku ndodhet nën kujdesin e mjekëve.
Grupi hetimor ka sekuestruar në cilësinë e provës materiale gëzhoja të qitura nga armë e llojit pistoletë.
Janë ngritur pika kontrolli në hyrje dalje të zonës ku ka ndodh ngjarja dhe po vazhdon krehja e territorit.
Grupi hetimor po vazhdon punën për identifikimin e autoritëve dhe zbardhjen e shkakut dhe rrethanave të ngjarjes. (J.V/Shuplaka)
