Deputetët e Parlamentit britanik kanë votuar pro nisjes së procedurave për daljen e Mbretërisë së Bashkuar nga Bashkimi Europian. Projketligji mësohet se u aprovua me 494 vota pro dhe 122 kundër, ndërkohë që tani i takon Dhomës së Lordëve të thonë fjalën e fundit.
“Nuk mundem, që me vetëdijen time të votoj për diçka që besoj se do të dëmtojë qytetin të cilin unë kam detyrën dhe nderin të përfaqësoj”, u shpreh Sekretari për Ekonominë nga radhët e opozitës, një prej 52 deputetëve laburistë që sfidoi urdhërin e partisë për të mbështetur draftin.
Pritet që Kryeministrja e Britanisë së Madhe, Theresa May, të nisë bisedimet për daljen nga Bashkimi Europian në fund të muajit Mars, bazuar në nenin 50 të Traktatit të Lisbonës. (XH.A/SHUPLAKA)
Discussion about this post