Ambasadori britanik në OKB, Matthew Rycroft ka mbështetur nismën e Shteteve të Bashkuara, Francës dhe Kosovës për të ndryshuar formatin e misionit të OKB-së në Kosovë.
“Është koha që UNMIK të punojë më pak, e jo më shumë”, tha diplomati britanik, duke shtuar se Britania ishte e zhgënjyer, pasi një iniciativë e tillë nuk gjen mirëkuptimin e palëve tjera.
Por zëvendës ambasadori kinez pranë OKB-së, Vu Haitao u bëri thirrje palëve të përfshira “në procesin e zgjidhjes së krizës në Kosovë” që të përmbahen nga retorika e ndezur, duke theksuar se Rezoluta 1244 është një kuadër i shkëlqyeshëm për dialog.
Ndërkohë që Vasily Nebenzya ambasadori i rus, në mbledhjen e sotme në OKB ka akuzuar Kosovën për siç ka thënë ai stagnim të bisedimeve.
“Projekti i Republikës së Kosovës në mënyrë të qartë ka dështuar. Nuk është e qartë as kur Gjykata Speciale për krimet e UÇK’së do të fillojë të funksionojë. Këto janë çështje shumë serioze dhe një numër i madh i aktorëve po tenton t’i shtyjë nën tepih”, tha ambasadori rus.
(B.H/Faxweb)
Discussion about this post