Britania e Madhe publikon emrat e 37 personave që janë në kërkim nga policia, mes tyre 3 shqiptarë (Emra+Foto)

Britania e Madhe ka publikuar listën e personave më të kërkuar nga policia të cilët akuzohen për vjedhje dhe grabitje me dhunë. (Lexo këtu)

Kjo listë është shpërndarë dhe në rrjetet sociale për të bërë publik emrat dhe për të lehtësuar gjetjen e tyre.

Mes 37 personave të cilët janë në kërkim nga policia britanike janë dhe tre shqiptarë, të identifikuar si Anton Krasniqi, Bledar Zefi dhe Marjo Marku.

“Këta shkelës të ligjit kanë grabitur, vjedhur ose mashtruar udhëtarët dhe turistët brenda Londrës, shpesh duke përdorur dhunë dhe armë, për fitimin e tyre financiar. Kush ka informacion për këta kriminelë u bëj thirrje njerëzve që të na informojnë sa më shpejt që të jetë e mundur. Një telefonatë mund të zgjidhte ose edhe të parandalonte një krim.”- ka thënë kryeprokurori Jim Corbett.

Sipas mediave britanike  fytyrat e 37 të kërkuarve nga policia do të shfaqen publikisht në dy automjete, për të ndihmuar autoritetet në gjetjen e tyre dhe duke inkurajuar personat që kanë dijeni të japin informacion.