Britania e Madhe po përballet me një numër të larte humbjesh ne njerez nga koronavirusi. Autoritetet bëjnë me dije se gjatë 24 orëve të fundit atje kanë humbur jetën 828 persona. Sipas BBC, numri total i humbjeve në njerëz në ishullin britanik ka shkuar në 17 337. Numri i rasteve të reja është rritur gjithashtu ndjeshëm gjatë orëve të fundit.
4 301 infektime të reja janë raportuar nga mediat duke e çuar numrin total në 129 044. Të hënën në Britaninë e madhe u kryen 18 206 teste. Mirëpo qeveria ka një synim të qartë, që deri në fund të Prillit të arrijë 100 000 teste në ditë. Shifrat e fundit nuk përfshijnë ata që kanë humbur jetën në shtëpitë e tyre apo të atyre në shtëpi përkujdesjeje.
