Fillon të qetësohet Britania, gjatë 24 orëve kanë humbur jetën 368 persona, 445 më pak se ditën e djeshme

Koronavirusi i cili “gjunjëzoi” globin edhe Britani la një numër të konsiderueshëm viktimash

Por ditën e sotme  autoritetet vendase bëjnë me dije se Britania e Madhe ka një ulje të ndjeshme të numrit të viktimave nga koronavirusi krahasur me një ditë më parë.

Autoritetet shëndetësore kanë njoftuar se në 24 orët e fundit në Britaninë e Madhe kanë ndërruar jetë 368 persona, 445 më pak se ditën e djeshme ku vdiqën  813njerëz. Në vend numri i viktimave nga Covid-19 ka shkuar në 20 500 persona.

Sot numri i të infektuarve nga koronavirusi në total ka shkuar në 149 569. Britania e Madhe i bashkohet Italisë, Spanjës dhe Francës si 4 vendet europiane më shumë të goditura nga COVID-19 dhe me më shumë viktima.