Britanikët kanë deklaruar se dalja e Britanisë nga Bashkimi Evropian nuk duhet të vonohet pasi mediat britanike japin lajmin se Shqipëria do të fillojë bisedimet për anëtarësim në BE brenda disa muajsh. Për këtë arsye ata duhet të dalin shumë shpejt nga Bashkimi Europian, pasi këtë e shohin si argument të mjaftueshëm që Britania duhet të dalë me shpejtësi nga unioni.
“Ja përse BREXIT-i nuk duhet shtyrë: Shqipëria do t’i nisë bisedimet e anëtarësimit me BE-në brenda disa muajsh”, është titulli i një artikulli të të përditshmes britanike “Express”.
“Shteti i vogël i Ballkanit mund të fillojë negociatat për hyrjen e saj në BE brenda vetëm katër muajsh nën propozimet kontroverse të miratuara nga eurodeputetët në Strasburg. Politikanët në Bruksel miratuan një raport që argumenton se ish-vendi diktatorial ka bërë hapa të rëndësishëm në reformat brenda vendit dhe është pothuajse gati për të filluar procesin e bashkimit me unionin”, shkruan media britanike “Express”.
Por edhe euroskeptikët në Britani e kanë qortuar këtë veprim, duke thënë se ky ishte “një lajm i tmerrshëm” për pjesën tjetër të Evropës, sepse Shqipëria është ende e mbërthyer nga korrupsioni dhe krimi i organizuar.
Europarlamentarja nga Jorkshajër Jane Collins pretendon se ky aderim do të përfshijë jo vetëm një transferim të madh parash nga ato të taksapaguesve britanikë, por edhe mundësinë e lëvizjes së lirë, që nënkupton edhe lëvizjen e kriminelëve. Jo vetëm nuk duhet ta vonojmë BREXIT-in, tha ajo, por duhet të mendojmë edhe një injeksion serioz investimesh për mbrojtjen tonë kufitare.
Discussion about this post