Britania mbyll kufinjtë në mes të marsit, jo më emigrantë nga BE-ja

Kryeministrja e Britanisë së Madhe, Theresa May, i jep fund qarkullimit të lirë të emigrantëve evropianë, në kufinjtë britanik.

“The Telegraph” shkruan se me fillimin e procedurave të Brexit, kryeministrja ka vendosur që deri në mes të muajit mars, të mbyllen kufinjtë për emigrantët europianë, të cilët nuk do kenë më të drejtë të qëndrojnë në mënyrë të përhershme në Britani.

Sipas gazetës britanike, qytetarët e Bashkimit Evropian mund të jenë subjekt i vizave si edhe i limitimit të përfitimeve, ndërsa ata që ndodhen aktualisht në Britani do të kenë të gjitha të drejtat por vetëm nëse edhe BE do t’ia garantojë këto të drejta qytetarëve britanikë.

Ndër të tjera “The Telegraph” shkruan se të tjera tensione priten midis BE-së dhe Britanisë. (D.D/Shuplaka)