Britania në rrezik, Wallace: ISIS gati të na sulmojë!

Organizata terroriste ISIS mund të jetë duke organizuar një sulm në Britani.

Alarmin e dha Ministri i Shtetit për Sigurinë Ben Wallace, i cili tha se ushtarët e ISIS po kryejnë përgatitjet për të kryer një sulm me armë kimike në Britani.

Sipas Sunday Times, ISIS ka kapacitetet për të prodhuar vetë gazin e tyre që quhet mustardë, praktikë e cila deri më tani është kryer vetëm për sulme në Lindjen e Mesme.

“Ata nuk kanë asnjë ndalim moral për të përdorur armë kimike kundër popullsive dhe, në qoftë se ata mund ta bëjnë, do ta zbatojnë në këtë vend”, deklaroi Wallace.

Ndër të tjera ministri paralajmëroi qytetarët të tregohen të kujdesshëm dhe mbi të gjitha të raportojnë çdo sjellje të dyshimtë. (D.D/Shuplaka)