Aktivistja pro qëndrimit të Britanisë së Madhe në BE, Madeleine Kay u ka dërguar paralajmërim të ashpër mbështetësve të Brexit duke garantuar se anti-Brexit-ët do ta fitojnë luftën për të mos e lënë vendin t’i shkëputet kontinentit të vjetër në harkun e një viti.
Duke folur në emisionin Politika e Përditshme në BBC, aktivistja e re u pyet se si do ta fenstonte ditën e shkëputjes nga BE vitin e ardhshëm, e cila planifikohet të jetë data 29 mars 2019.
Ajo tha se së pari do të festojë ditëlindjen e saj që koinçidon në të njëjtën datë dhe pastaj do të festojë së bashku me të gjithë “Superheronjtë e BE-së” si ajo që do t’ia kenë arritur qëllimit të ndalojnë Brexit.
Ajo tha: Ne do të festojmë së bashku në ditën e “Superheronjve të BE” sepse ne dotë ndalojmë Brexit përpara se të ndodhë dhe do ta bëjmë 29 marsin 2019 datën kur do të festojë kushdo që nuk e ka dashur Brexit-in.
Ne do të kërkojmë referendum dhe do ta bindim publikun të votojë për kauzën tonë për të ndaluar Brexit dhe për ta shpëtuar Mbretërinë e Bashkuar nga kjo estradë që vetëm sa do ta dëmtojë rëndë ekonominë dhe shoqërinë në dekadat që do të vijnë.
Ditën e sotme, aktivistët anglezë anti-Brexit diolën rrugëve të Londrës për të protestuar kundër Brexit në përpjekje për të kthyer mbrapsh Nenin 50, pikërisht në një vjetorin e propozimit të tij nga kryeministrja Theresa May.
Grupi i protestuesve morën me qera një autobus dykatësh tipik londinez dhe nisën demonstratën publike duke u veshur si superheronj të Bashkimit Evropian, me qëllim për të provokuar mbështetësit e Brexit të cilët planifikojnë të festojnë shkëputjen.
Duke u tallur me Votën e famshme Pro shkëputjes, një burrë i veshur si sekretari i shtetit Boris Johnson, u tundte dorën në formë përshëndetje londinezëve në rrugët ku kalonte autobusi.
“Superautobusi i BE-së” nuk është automjeti i parë i kundërshtarëve të Brexit që shëtit rrugëve të Mbretërisë së Bashkuar.
Në shkurt, lëvizja e tyre “A ia vlen të shkëputesh?” nisi rrugëve një autobus anti-Brexit.
Ndërkohë që lëvizja për t’u shkëputur u thotë njerëzve se Britania e Madhe në javët pas referendumit të Brexit, e paguante Unionini Evropian rreth 350 milion paund në javë, superautobusi i ri pretendon se shpenzimet ndaj BE-së janë në fakt 2 miliardë paund në javë.
Në anë të autobusit shkruhet “Brexit kushton 2 miliardë paund në javë … thotë raporti i qeverisë”.
Ndërsa në anën e pasme të autobusit shkruhet: “A ia vlen?”
Burimi: Express.co.eu
