Mbretëria e Bashkuar po sanksionon 178 “separatistë rusë” në rajonet e Ukrainës lindore, tha ministria e Jashtme Britanike.
“Pas sulmeve të tmerrshme me raketa ndaj civilëve në Ukrainën Lindore, ne sot po sanksionojmë ata që mbështesin rajonet ilegale të shkëputura dhe janë bashkëpunëtorë në mizoritë kundër popullit ukrainas”, tha në një deklaratë sekretarja e jashtme e Mbretërisë së Bashkuar Liz Truss.
Sanksionet e reja synojnë anëtarët e familjes të oligarkëve, bashkëpunëtorët e ngushtë dhe punonjësit, tha zyra e jashtme, duke e çuar numrin e përgjithshëm të individëve të sanksionuar në 206.
Individët e sanksionuar përfshijnë Alexander Ananchenko dhe Sergey Kozlov, kryeministër i vetëquajtur dhe kryetar i qeverisë së e ashtuquajtura Republika Popullore e Donetskut dhe e Luhanskut.
Duke filluar nga e enjtja, qeveria e Mbretërisë së Bashkuar “po ndalon importin e hekurit dhe çelikut rus, si dhe eksportin e teknologjive kuantike dhe materialeve të avancuara për të cilat Putini ka shumë nevojë. Ne nuk do të pushojmë në misionin tonë për të ndalur makinën luftarake të Putinit në gjurmët e saj”.
