Kryeministri Edi Rama ka zhvilluar një takim me ish-kryetarin e komisionit të Jashtëm në Parlamentin Europian, Elmar Brok në Aachen të Gjermanisë.
Rama publikoi në rrjetet sociale dialogun që pati me Brok, i cili mbështeti opozitën në zgjedhjet parlamentare të 11 majit.
“Elmar Brok: Edi, urime! Eh, erdha përsëri në Tiranë të të vrisja, po ti sa herë unë vij të të vras ngjitesh më lart!
Unë: Elmar, vetëm një gjë s’kam për të ta falur kurrë! Vjen në Tiranë dhe s’pi një kafe me mua, ndërkohë që unë të jam borxhli, sepse siç thoshte Niçja, “Çfarë s’të vret të bën më të fortë”!
Plas e qeshura dhe përqafohemi si miq të vjetër
Aachen, Gjermani”, shkruan Rama në postimin e tij.
Kryeministri Rama ndodhet në Aachen, Gjermani ku merr pjesë në “Charlemagne Europa Forum”.
