Bruce Dickinson është lideri i grupit ”Iron Maiden”. Një nga artistët e mëdhenj që ka bërë shumë suksese por Dickinson ndryshe nga shumë njerëz të famshëm ka zgjedhur të jetojë në një tjetër mënyrë: duke punuar gjithnjë. Dje këngëtari ka qenë në Rinas, sepse ai është edhe pilot, ku është takuar edhe Ilir Metajn. Foto, autografe dhe një mesazh shumë i rëndësishëm nga Metaj për famën.
” Ditën që takova Madhërine e tij, Bruce Dickinson të IRON MAIDEN”
Ai është 58 vjeç. Lideri dhe këngëtari i Iron Maiden. Njeri jashtëzakonisht i pasur dhe i adhuruar nga miliona në mbarë botën tonë. Edhe në shumë planete të tjerë.
Kujt i hyn në punë fama edhe pasuria e tij do thoni ju.
Ja se ua them.
Ai përveç karrierës në muzikë, është biznesmen në prodhimin e birrës dhe punon gjithashtu si pilot profesionist.
Pra nuk është dikush, që pasi është bërë i pasur, thjesht ha paratë dhe shijon famën.
Ai njeri (njeri vërtetë ?!) 58 vjeç, bën ture botërore me stadiume të tejmbushura, ndjek biznesin e birrës, piloton avione si një i punësuar normal dhe bën bamiëesi. Shumë bamirësi.
Ai nuk merr thjesht frymë. Vazhdon lufton. Jeton duke punuar!
Dje, në Rinas ai impresionoi edhe me thjeshtësinë e tij.
I qeshur, i disponueshëm për foto e autografe, përqafonte njerëz. Nuk lodhej. Nuk bezdisej. Nuk kishte pordhë e arrogancë prej njeriu të lodhur nga të qenit i famshëm.
Sipas meje që jam asnjëanës është një nga gjenitë e paktë të shekullit.
Nuk është thjesht Bruce Dickinson. Ai është një mix i Tolstoit, Bethovenit, Balzakut, Moxartit, Verdit dhe Remarkut.
Dje madhëria e tij më dha albumin e fundit të Iron Maiden me autografin e tij.
Eeehhhh ç’të them më …
Më duhet të falenderoj mikun tim, drejtuesin novator të Autoritetit të Aviacionit Civil, Flamur Çelaj, që bëri të mundur ardhjen e Madhërisë së Tij dhe takimin tim me të.
Long live Iron Maiden!”, rrëfen Ilir Metaj.
