“Bujar Nishani nuk zhgënjeu si burokrat, por si moral! Mund të zgjidhte moralin mbi ligjin, por s’e bëri”

Gazetari Çim Peka është ndier i zhgënjyer nga konferenca për shtyp e një dite më parë e Kreut të Lartë të Shtetit, Bujar Nishani, i cili u shpreh se pavarësisht se nuk e mbështeste Fatmir Xhafaj si ministër të Brendshëm, nuk mund të mos e dekretonte atë.

Në kuadër të asaj deklarate, gazetari shkruan se Bujar Nishani nuk zhgënjeu si burokrat, por si moral. Ai shkruan se nëse nuk ke kompetencë për të bërë diçka, nuk ke pse të presësh 10 ditë për ta thënë këtë.

Sipas Pekës, Kreu i Lartë i Shtetit mund të zgjidhte moralin mbi ligjin por nuk e bëri.

Shkrimi i Çim Pekës:

Nuk zhgenjeu si burokrat, por zhgenjeu si moral! Nqs nuk ke kompetence per dicka, duhet ta dish qe diten e pare. Pas pese vitesh ne detyre, nuk mund te kerkosh 10 dite kohe per te kuptuar se nuk ke te drejte te mos dekretosh. Me duhet ta pranoj se Bujar Nishani e filloi Presidencen si nje burokrat korrekt dhe po e mbyll si i tille. E megjithate, ne fund nuk arriti ti afrohej moralit te atyre qe ka dekoruar e respektuar gjate mandatit te tij, moralit te atyre qe u pushkatuan pse nuk pranuan te respektojne kushtetuten dhe ligjet e kohes. Ato te diktatorit Hoxha. A mundej sot Nishani te bente vetem pak nga ajo qe beri Hafzi Nela e te tjere qe vete dekoroi? Te zgjidhte moralin mbi ligjin (i cili eshte i paqarte) ne muajin e fundit te mandatit te tij? Mundej por nuk e beri. Ne situata kritike per nje komb, morali eshte me i rendesishem se ligjet e miratuara dhe arnuara nga kasta…. Bujar Nishani nuk zhgenjeu si burokrat por zhgenjeu si moral.