Vllaznia dhe Tirana do të kenë përballjen e vitit ditën e nesërme dhe mbështetja e tifozëve do të jetë lojtari i 12-të për të dyja. Bujar Qamili këngëtari i njohur shkodran iu bën thirrje tifozëve të jenë sa më shumë të pranishëm në stadium. .
Në një prononcim për “Realiteti Post”, ai u shpreh: “
Të premten kam një koncert në Milano. Por, mezi pres të shtunën të kthehem në aeroport të marr makinën dhe të nisem menjëherë drejt stadiumit ‘Loro Boriçi’, sepse është një nga ndeshjet më të rëndësishme të Vllaznisë.
U bëj thirrje të gjithë tifozëve shkodranë edhe atyre që s’kanë qenë asnjëherë në stadium, por edhe ju fansave të mrekullueshëm të Bujar Qamilit, që më keni ndjekur në Pallatin e Kongreseve në koncertet e mia, këtë herë të gjithë duhet të jeni në stadium, sepse fanella e Vllaznisë nuk e meriton të bjerë në Kategorinë e Parë, por duhet të qëndrojë në Superiore.
Edhe njëherë tjetër ju lutem, si shok, si mik, si vëlla, të gjithë në stadium ditën e shtunë që ta përkrahim ekipin tonë të mrekullueshëm Vllazninë. Besoj se të gjithë do të jemi aty. Mirë se vini!”.
