Kreu i Partisë Sfida për Shqipërinë Gjergj Bojaxhi ka deklaruar se e ka traditë të bëj bukën vetë dhe ka më shumë se 15 vite që bën këtë gjë.
Por Bojaxhi ka bërë një bukë në formën e numrit të partisë “Sfida për Shqipërinë”, në fletën e votimit, të numrit 4.
“E kam traditë të bëj bukën për çdo ditë për familjen time dhe të paktën një për t’ua dhuruar miqve. Dihet që nuk ka siguri më të madhe sesa t’i përgatisësh gjërat vetë,” tha Bojaxhi.
Bojaxhi tregon se me rastin e fushatës bëri bukën në formën e numrit 4 të Sfida për Shqipërinë, për të treguar se qytetarët duhet ta bëjnë vetë politikën. “Me një grup qytetarësh vendosëm të bëjmë Sfidën për Shqipërinë, e cila në fletën e votimit ka këtë numër, 4. Nëse duam një politikë të pastër duhet ta bëjmë vetë, për familjet tona, per miqtë tanë, për veten tonë,” tha Gjergj Bojaxhi. (J.V/Shuplaka)
Discussion about this post