Video e mëposhtme tregon momentet e panikut dhe tmerrit të 169 pasagjerëve në një avion që bënte linjën e fluturimit nga Rumania me destinacion Britaninë e Madhe pasi mjeti fluturues është mbushur me tym.
Sapo aeroplani u ngrit në fluturim nga aeroporti i Bukureshtit, kabina e tij filloi të mbushej me tym ndërsa kjo situatë detyroi pilotin që të kthehej sërish në aeroport nga ku ishte nisur.
Ryanair flight FR1008 makes emergency landing in Otopeni after cabin fills with smoke. https://t.co/A0rJgyXoud pic.twitter.com/tzZ45VaXs6
— Breaking Aviation News (@breakingavnews) January 22, 2020
Në momentin kur është shënuar incidenti, aeroplani ishte në një lartësi prej 5 mijë metra por sapo piloti mësoi se çfarë po ndodhte në zonën e pasagjerëve, dha menjëherë alarmin në kullën e kontrollit të aeroportit, duke kërkuar leje për t’u ulur përsëri në pistë.
Disa nga udhëtarët rrëfyen për përvojën e jetuar ku njëri prej tyre e quajti dramatike ndërsa disa të tjerë u ankuan se maskat e oksigjenit nuk u hapën pasi filloi të dilte tym.
Frika dhe paniku që shkaktoi incidenti fatmirësisht pa të lënduar, bëri që pas kthimit sërish në aeroport, një pjesë e pasagjerëve refuzuan që të hipnin në një tjetër aeroplan të Ryanair për të vazhduar fluturimin drejt Britanisë.
Kompania Ryanair reagoi për ngjarjen duike thënë se kishte ndodhur një problem i vogël teknik në sistemin e ajrit të kondicionuar.
(F.GJ/FAXWEB.AL)
