“Bularati”, Meta deklaratë të fortë: kam paralajmëruar shërbimet tona të hapin sytë prej kohësh

Presidenti Meta duke iu referuar ngjarjes së “Bularatit” dhe mënyra se si precipitoi situata ditën e varrimit të Kostandinos Katsifas, por edhe tensionin që solli mes dy vendeve më pas, ka bërë një deklaratë mjaft të fortë.

Meta ka thënë në emisionin “Open” se ka paralajmëruar edhe shërbimet në vend që të “hapin sytë”, pasi situata të tilla nuk janë sporadike.

“E rëndësishme të bëhet një analizë më e plotë e gjithë administrimit të një situate të tillë e të përgatitemi për provokime të tjera, sepse kemi përpjekje në vazhdimësi për të stisur raporte të paqena në funksion të axhendave të ndryshme që si shpërbejnë paqes në rajon”, tha Meta.

“I kam paralajmëruar shërbimet tona të hapin sytë prej kohësh për situata të tilla që s’janë sporadike”, shtoi kreu i shtetit.

“Kemi të bëjmë me një provokim të qëllimshëm dhe një përpjekje për të përshkallëzuar tensionet. Duhet të jemi të qetë në teorikë dhe të përmbajtur dhe të vendosur në respektimin e ligjeve tona”, shtoi Presidenti.

Do ndikojë ngjarja në Bularat negociatat me Shqipërisë e Greqisë?

“S’ka arsye pse duhet të ndikojë. Duhet të mbetet një ngjarje e izoluar, por përpjekjet për acarimet e marrëdhënieve shqiptaro-greke do vijojë. E rëndësishme që ne të jemi të qetë dhe të përmbajtur”.

Kujtojmë që presidenti Meta komentoi sot edhe deklaratën e ish-ministrit të Jashtëm të Greqisë Nikos Kotzias i cili tha 1 ditë më parë se ushtria greke nuk e njihte kufirin me Shqipërinë.

“Sot qarkulloi një lajm që shpresoj të jetë fake-neës, ku një ish-ministër i një vendi fqinj që thoshte që ushtria e këtij vendi nuk njihte kufijtë e Shqipërisë. Ne duhet të jemi të qetë edhe kur këto lajme janë të vërteta dhe kur janë fake-neës. Këtu është roli i mediave për të mbajtur një distancë ndaj çdo manipulimi që rrit retorikën dhe na largon nga bashkëpunimi.

Në rastin se është fake-neës, të gjithë duhet të punojmë që lajme të tilla t’i izolojmë. Në rast se është i vërtetë, natyrisht çështja është edhe pak më serioze. Natyrisht, nuk jam i shqetësuar për arsye që edhe si komandat i Forcave të Armatosura, ushtria shqiptare e di kufirin e saj dhe nuk ka asnjë pretendim ndaj një vendi tjetër si vend demokratik që jemi. Jam i shqetësuar pasi duhet të theksojmë gjuhën e bashkëjetesës. Së dyti, Ballkani është një rajon shumë i trazuar, historikisht, etnikisht dhe ka vetëm një rrugë për të ecur përpara dhe të gjithë të përdorim standardet evropiane me pakicat. E vetmja zgjidhje është bashkëjetesa dhe harmonia dhe t’i qëndrojmë asaj me të cilën është themeluar Evropa”,  deklaroi Meta sot në konferencën ndërkombëtare të gazetarëve të Europës Juglindore “South East Europe Medi Forum” . (B.H/Faxweb)