Zv/ndihmës i Sekretarit Amerikan të Shtetit, Hoyt Bryan Yee ka dhënë dorëheqjen nga posti i tij. Lajmi është konfirmuar nga Departamenti Amerikan i Shtetit për Al Jazeera Balkan.
Në përgjigje thuhet se Yee për largimin e tij informoi kolegët e tij në Departamentin Amerikan të Punëve të Jashtme.
Si pasardhësi i tij përmendet jo zyrtarisht ish-kreu i Misionit të OSBE-së në Bosnjë dhe Hercegovinë, Jonatan Moor.
Mediat kanë spekuluar se Yee do të emërohet ambasador në Maqedoni, por ndërkohë është thënë se ai në vend që të shkonte në Shkup, mund të ulet në karrigen e ambasadorit amerikan në Sarajevë.
Hoyt Bryan Yee u bë shumë i njohur sidomos në Shqipëri për ndikimin e tij vendimtar për nënshkrimin e marrëveshjes së 18 majit mes kryeministrit Rama dhe kreut të opozitës Lulzim Basha. (B.H/Faxweb)
Discussion about this post