Gjatë ditës së sotme është zhvilluar protesta e minatorëve për statusin e minatorit në qendër të qytetit të Bulqizës. Protesta ka degraduar në përplasje mes tyre dhe përfaqësuesve të Konfederatës së Sindikatave të Shqipërisë.
Përplasja ka ndodhur rreth orës 15 e 30 kur minatorët u revoltuan ndaj kreut të Konfederatës së Sindikatave të Shqipërisë dhe iu sulën në tentativë për t’i marrë mikrofonin, ndërsa ai po mbante fjalim.
Ata kanë akuzuar kreun e Konfederatës së Sindikatave Kolë Nikolla, për pasurim të xhepave të tij me paratë e minatorëve.
“Prej 5 vitesh s’ke ardhur në Bulqizë. Ti ke mbush xhepat me paratë e minatorëve. Pasi ke mbaru paratë ke ardhur të mbushësh xhepat. Na keni pirë gjakun!”, kanë thënë thënë minatorët.
Nikolla ka kërkuar ndërhyrjen e policisë, ndërsa blutë ndërhynë duke shoqëruar 3 minatorë në komisariat. Ky ka qenë edhe fundi i protestës.
(M.Q/Faxweb)
Discussion about this post