Aldo Bumçi, deputeti i Partisë Demokratike, sonte në studion e emisionit Opinion ka argumentuar arsyet se pse opozita kërkon një qeveri teknike.
Bumçi theksoi se PD e logjikon vendimin e marrë për qeveri teknike me disa argumenta ku një prej tyre, është edhe mbjellja e drogës në të gjithë vendin .
Ai u shpreh se vendi është shndërruar në një plantacion kanabisi dhe me një plantacion të tillë, vendi nuk mund të shkojë në zgjedhje.
Sipas Bumcit, milionat e fituara nga droga do të përdoren për të blerë zgjedhjet, bashkë me to, në terren do të dilnin edhe bandat e krijuara nga kjo praktikë në vend, me armë duke terrorizuar qytetarët për të ndikuar në rezultatin e zgjedhjeve në vend.
“Me plantacionet e kanabisit nuk ka zgjedhje”, theksoi Bumçi.
Një arsye tjetër madhore është dhe krimi politik sipas Bumcit dhe PD-së.
Për deputetin demokrat Bumci, kriminelë të veshur me pushtet apo të trimëruar nga përkrahja e shtetit janë rrezik për zgjedhjet e lira dhe të ndershme në vend.
“Kryeministri më i paaftë, ky sot nuk ka një ekip ekonomik i cili e ka zhytur vendin në varfëri ku 200 mijë shqiptarë jetojnë me 2500 lekë të vjetra në ditë, e thotë banka botërore. Ky mandat 4-vjeçar, këtë varfëri me dhunë ndaj shqiptarëve ku janë prishur 9 mijë shtëpi dhe biznese në të njëjtën kohë kur shqiptarët janë larguar më shumë se sirianët. A ka turp më të madh, 20 milion banorët janë sirianët, vend i shkatërruar nga lufta; shqiptarët për frymë largohen më shumë se sirianët. Mandati i ri qeverisës i kësaj qeverie nga do dali, nga droga, krimi? Ky ishte Lazarati, tani na del Lazarati më i madh se Shqipëria. Kjo është propaganda e Rilindjes, Lazarati është më i madh se Shqipëria”, theksoi ai.
(M.D/ Shuplaka)
Discussion about this post