Ditën e sotme ka nisur viti i ri akademik 2019-2020, në gjithë vendin dhe siç raportoi Fax News, në shumë universitet në vend ka pasur ulje të numrit të studentëve.
Ndërkohë disa studentë ditën e sotme të Universitetit të Tiranës, kanë zgjedhur të protestojnë para Ministrisë së Arsimit, duke kërkuar anulimin e Ligjit për Arsimin e Lartë, ndërkohë që kanë paralajmëruar se do të rifillojnë protestat.
Po ashtu ato janë shprehur se ndryshimi i ri në Kodin Penal për të dënuar me burg bllokimin e rrugëve, studentët dekalruan se kjo gjë nuk i pengon fare.
“Ne do të vazhdojmë betejen dhe nuk do të ndalemi derisa të përmbytet ligji për Arsimin e Lartë. Ne do të vijojmë të socializohemi duke u bërë bashkë për ndryshime të mëdha.
Ka një ndryshim të kodit penal që na thonë nëse bllokon rrugën ligjin do të dënohemi deri me tre vjet burg, por kjo nuk na pengon për të vijuar protestën. Do të jemi të bashkuar për betejën që na bashkon, për arsim publik falas.”
Kujtojmë se disa banorë të zonës së Astirit, pas protestave për banesat e tyre, me ndryshimet në Kodin Penal pas propozimit të kryeministrit Edi Rama, janë arrestuar për bllokim të rrugëve, pasi konsiderohet se vepër penale dhe dënohet me burg.
Me ndryshimet e reja në Kodin Penal, bllokimi i rrugëve duke penguar lëvizjen e lire të automjeteve është vepër penale dhe dënohet me burg.
Discussion about this post