Ministri i Drejtesisë Ulsi Manja ka folur ditën e sotme në mbledhjen ‘online’ të komisionit për Çështje Ligjore lidhur me rëndësinë që ka kalimi i projektligjit për amnistinë penela të më shumë se 600 të burgosurve.
Ai deklaroi se burgjet janë të mbipopulluara në raport me kapacitetet dhe se duhet të përafrohemi me standardet e BE-së lidhur me numrin e të paraburgosurve dhe të dënuarve.
“Jemi plus 190 të paraburgosur dhe të dënuar më shumë sesa kemi kapacitete. Nëse kemi 5818 të paraburgosur dhe të dënuar; kapacitetet tona janë plus 190 më shumë. Referuar standardeve të BE-së, nuk do duhet të kishim këtë numër personanash të paraburgosur. 2204 kemi të dënuar dhe po t’u referohemi standarteve të BE-së do të duhej të kishim 30% si maksimum të numrit të paraburgosurve në raport me të dënuarit. Jemi tek 2500 persona të paraburgosur më shumë sesa standardet e BE-së. Jemi mbi kapacitetet. Amnistia në këtë moment përveç parimeve të tjera, do të na shërbejë edhe ne për të na krijuar një mundësi të sistemit siç duhet.
Amnistia është një zgjidhje e përkohëshme. Duhet të mendojmë zgjidhje afatgjatë për ta sjellë në standardet që na kërkon BE. Paketën ligjore e kemi në përputhje me standardet e BE por kur vjen puna tek menaxhimi nuk është i tillë.
Masat e sigurimit, jo për çdo gjë duhet të shkohet drejt burgut. Masat alternative të dënimit, janë pushtet që e ka drejtësia. Por e thotë kodi që për veprat që dënohen deri në 5 vite, shërbimi i provës mund të jetë një zgjidhje, pra duhen para dënimet alternative.- është shprehur Manja.
Discussion about this post