Ish-deputeti Mark Frroku i mohon sërish akuzat për vrasje, këtë radhë në një intervistë për mediat belge.
Sipas Frrokut, ai ka qenë në Shqipëri dhe jo në Belgjikë kur është kryer krimi. Madje ka mohuar edhe akuzat se mbrohet nga politika.
“Nuk e kam kryer këtë vrasje në Belgjikë në vitin 1999. Unë kam qenë në Shqipëri më 15 mars 1999, 1500 km larg nga Brukseli. Unë do të shtoja se nuk kam mbrojtje në Shqipëri. Në qoftë se do të kisha mbrojtje siç mendohet, nuk do të isha këtu në burg prej dy vitesh”, thotë Frroku.
Ndër të tjera, ish-deputeti i PDK-së ka bërë edhe një krahasim mes burgjeve në Shqipëri dhe të atyre në Belgjikë.
“Duke krahasuar burgjet belge, holandeze dhe shqiptare, më të vështira janë ato shqiptare”, thotë Frroku për “dhnet.be”.
Ish-deputeti ka folur edhe për procesin e votimit gjatë periudhës kur ai u zgjodh deputet.
“Unë u zgjodha deputet në mënyrë rregullt, përballë kandidatëve seriozë dhe me 7,000 vota avantazh. Nuk kishte asnjë manipulim”, është shprehur ai.
Frroku akuzohet për vrasjen e bashkëkombasit të tij Aleksandër Kurtit, ngjarje e ndodhur më 5 Mars 1999 në Bruksel.
Që prej 28 marsit të 2015-ës Frroku ndodhet në burg në Shqipëri. (D.D/Shuplaka)
