Kryeministri Rama ka deklaruar se pas përfundimit të vaksinimit të të moshuarve mbi 70 vjec procesi do të shtrihet te punonjësit e fasonerisë dhe fabrikave.
Ai ka bërë me dije se prioritet do të kenë gratë dhe vajzat punëtore.
“Sa të mbarojmë me vaksinimin me moshën 70-vjeç e lart të parët që do vaksinojmë do jenë gratë dhe vajzat e fasonerive, burrat kismet”, tha Rama.
Deri më tani janë vaksinuar mbi 100 mijë persona në vendin tonë. Kjo shifër është bërë e ditur nga ministrja e Shëndetësisë Ogerta Manastirliu.
Ndërkohë që pritshmëritë e qeverisë janë që brenda muajit Maj të jenë vaksinuar 500 mijë qytetarë me synimin që të realizohen 30 mijë vaksinime çdo ditë.
Deri më sot janë konfirmuar 124 723 raste të qytetarëve të prekur me Covid-19. Nga këto shifra 2247 prej tyre fatkeqësisht e kanë humbur betejën me virusin ndërkohë që deri më tani janë shëruar mbi 90 mijë persona.
Rastet aktive të qytetarëve të prekur me Covid-19 raportohet të jetë 31 879.
