Në qytetin e Shkodrës ka ndodhur një krim i rëndë, pasi burri ka vrarë gruan.
Ngjarja tronditëse ka ndodhur në fshatin Guci i Vogël ku 74 vjeçari, Beqir Gjilaj ka vrarë gruajn e tij 43-vjeçaren Lumturie Gjilaj. Krimi nga ana e 74-vjeçarit është kryer me armën e gjahut.
Sipas policisë gruaja e tij, Lumturie Gjilaj ka vdekur në vend ndërsa është arrestuar menjëherë autori. Policia ndodhet në vendngjarje dhe po heton rreth rethanave të këtij krimi. Mësohet se ngjarja ka ndodhur për motive të dobta. Duhet të sjellim në vëmendje që Beqir Gjilaj vetëm 17 vite më parë ka vrarë edhe ish-gruan e tij.
DETAJE:
Më datë 08.05.2017, rreth orës 00: 05, njoftohemi se është vetvrarë me armë gjahu në banesë shtetasja Lumturie Xhilaj, banuese në fshatin Guci e Re Njësia Administrative Rrethina Shkodër. Menjëherë në vendngjarje kanë shkuar shërbimet e Policisë dhe grupi hetimor.
Në përfundim të veprimeve të para të kryera, rezultoi se shtetasja Lumturie Xhilaj nuk është vetvrarë por dyshohet se e ka vrarë bashkëshorti për motive të dobëta, krim që më pas e ka pranuar edhe vetë autori.
Në këto kushte Specialistët për Hetimin e Krimit bënë arrestimin në flagrancë të shtatasit:
Beqir Xhilaj, 74 vjeç, banues në fshatin Guci e Re Njësia Administrative Rrethina Shkodër.
Në vendin e ngjarjes u gjet dhe u sekuestrua në cilësinë e provës materiale arma e gjahut të cilën e mbante me leje shtetasi i lartpërmendur.
Materialet i kaluan Prokurorisë së Rrethit Gjyqësor Shkodër për veprën penale të “Vrasjes për shkak të marrëdhënieve familjare”, e parashikuar nga neni 79/c i Kodit Penal. (J.V/Shuplaka)
