Ministri i Jashtëm Ditmir Bushati ka replikuar për akuzat e ngritura nga ish-kryeministri Sali Berisha. Sipas tij raporti i Këshillit Europian thotë se në 90 fusha Shqipëria ka progres dhe se ka progres të qëndrueshëm.
Ndërsa përsa i përket 5 prioriteteve për anëtarësimin në BE ministri u shpreh se këto kritere janë të Kopenhagenit dhe nuk i ka vendosur qeveria shqiptare.
“Berisha e konkuron portokallinë në mënyrë të denjë. Janë kritere të Kopenhagetit, nuk janë kritere vetëm për Shqipërinë. Dihet që reforma në drejtësi do të ketë efekt edhe për korrupsionin dhe gjithçka sepse është një reformë. Nuk kam kuptuar se ku është interesi i një opozite që shkon në Gjykatën Kushtetuese”, u shpreh ministri. Sipas ministrit 93% e shqiptarëve e duan reformën në drejtësi dhe Këshilli Europian e vlerësoi këtë progres.
“U more me rivalët në politikë , me Arten me Sajmirin me të gjithë dhe nuk the asgjë. Gënjeve për 5 prioritetet. Jam këtu për retorikën tënde që shkon me kundërshtim me parimet e fqinjësisë. Këto prioritete nuk i vendos unë, dhe mos thuaj që do ulesh me ne pasi të diskutohet kjo gjë”, tha ministri. Ministri shtoi me tej se integrimi nuk është peng i kalendarit të BE-së dhe se Berisha ka një retorikë të helmetosur.
“Duhet të thuash hajd të nisnim nga puna, të shikojmë ca duhet vlerësuar meqë kjo nuk po funksionon. Jo kështu siç thua ti,” tha ministri.
Ai replikoi ndaj Berishës duke i thënë se me keqardhje nuk është burim frymëzimi, as nuk burim mendimi dhe nuk ndjek ndonjë model. “Mos u krahaso me modelet e gjeneratës së re, por nuk na arrin dot ”, u shpreh ministri.
