Bushati pas takimit me Darmanović: Mali i Zi ka një propozim për përcaktimin e kufijve detarë

Çështja e përcaktimit të kufirit detar të Shqipërisë me Malin e Zi ka mbetur ende e pazgjidhur.

Ministri i Jashtëm, Ditmir Bushati bëri me dije sot se pala malazeze i kishte një propozim për zgjidhjen e këtij problemi.

“Ne kemi marrë një propozim nga Mali i Zi për t’u përfshirë në këtë proces dhe jemi të gatshëm që në kohë të përshtatshme të ulemi dhe të fillojmë diskutimet në mënyrë që kjo çështje të adresohet në përputhje jo thjesht me rregullat ndërkombëtare por edhe me parimin e fqinjësisë së mirë.”, është shprehur Bushati.

Këto deklarata ministri Bushati I bëri pas takimit me homologun malazez, Srđan Darmanović i cili vizitoi sot shqipërinë.

Ministri foli edhe për premtimin e pa mbajtur nga pala malazeze për krijimin e komunës shqiptarë të Tuzit.

“Transformimi i Tuzit si një komunë në kuptimin e vërtetë të fjalës parashihet si një nga angazhimet e këtij koalicionit. Nuk kam çfarë të shtoj më tepër përveç se mbështetjes që vjen nga Tirana për këtë qëndrim të koalicionit aktual në Malin e Zi.”, shtoi Bushati. (D.D/Shuplaka)