Ministri i Punëve të Jashtme Ditmir Bushati, i është përgjigjur aleatëve të tij të LSI-së për cështjen e 71 mandateve, nga një takim në qytetin e Shkodrës.
“Nuk ka diskutim që kjo është një kontratë jo thjesht disa partive politike por mbi të gjitha një kontratë që shqiptarët e kanë votuar me 23 qershor. Jemi të gatshëm dhe të hapur për çdo forcë politike për të vijuar koalicionin, për ta shtuar koalicionin në kontribute dhe vlera. Një mandat i qartë për PS edhe në zgjedhjet që presim me 18 qershor është një garanci që reformat do zbatohen.”, tha Bushati.
Ndër të tjera, Bushati i ka kthyer një përgjigje ironike, në vecanti deputetit të LSI-së në qarkun e Gjirokastrës, Vangjel Tavo.
“Jemi të përqendruar totalisht tek puna sepse me 18 qershor ne si qeveri, PS do tu japë llogari qytetarëve shqiptarë sa i përket përmbushjes së reformave dhe sa i përket përmbushjes së zotimeve të marra. E dua Vangjelin, por më shumë dua SHBA dhe BE. Dhe kur vjen puna për vlerësimin e reformave dhe sfidave që duhet të përballojmë të gjithë sëbashku, përfshirë dhe Vangjelin, besoj se ekspertiza amerikane dhe ekspertiza e shërbimeve të Komisionit Euriopian të vendeve anëtare është një pikë shumë e mirë reformimi të mëtejshme për gjithë institucionet shqiptare.”, shtoi ministri i PS-së. (D.D/Shuplaka)
