Ministri i Punëve të Jashtme Ditmir Bushati ka pritur në takim homologun e tij italian, Angelino Alfano, i cili ka vizituar Shqipërinë në kuadër të samitit të Triestes.
Në një deklaratë të përbashkët për shtyp, Alfano tha se BE-ja duhet të afirmojë rolin e vet në Ballkanin Perëndimor.
“Ballkani Perëndimor ka një rëndësi strategjike për të gjithë Europën. Jemi duke asistuar në një shfaqje progesione të tensioneve në vendet e rajonit që është shoqëruar nga ana e disa liderëve politikë dhe nga një retorikë nacionaliste, për këtë BE duhet të riafirmojë rolin e vet si partner kryesor në të gjithë këtë rajon dhe të dërgojë një mesazh të fortë konkret impenjimi në të gjithë Ballkanin Perëndimor”, tha Alfano.
Ministri i Punëve të Jashtme të Italisë e cilëson Shqipërinë si një vend me një rol të rëndësishëm në rajon.
“Shqipëria ka kontribuar në stabilitetin e rajonit”, është shprehur Alfano.
Më tutje ai deklaron se mbështet procesin e reformave që përkojnë me 5 pikat e vendosura kusht nga Brukseli, për hapjen e negociatave të Shqipërisë me BE-në. Vijon… (D.D/Shuplaka)
Discussion about this post