Pas deklarateve të kreut të PD, Lulzim Basha në Zërin e Amerikës ka reaguar ministri i Jashtëm, Ditmir Bushati. Në një postim në Twitter, numri një i diplomacisë shqiptare thotë:
“Domethënë sipas Lulzim Bashës kanabisi po bleka dhe Amerikën prandaj nuk u shihka fare çadra që andej! Keqardhje për Partinë Demokratike”
Kreu i Partisë Demokratike Lulzim Basha nga Uashingtoni në një intervistë për Zërin e Amerikës është shprehur se qeveria Rama duhet të largohet dhe nuk do të ketë zgjedhje me Ramën.
“As nuk do të pranojmë që të ketë zgjdhje me krimin dhe drogën, dhe kështu kërkojmë largimin e Edi Ramës dhe krijimin e një qeverie teknike. Këtu në SHBA jam i mirëpritur nga krerët e senatit repulikan, jam mirëpritur nga ata që merren me diplomacinë e jashtme.
Kemi diskutuar për gjendjen politike në Shqipëri. Për paratë e drogës, por jo vetëm për Shqipërinë, kemi diskutuar por edhe për situatën e rajonit. Dua të ndaj sot lajmin e shkëlqyer, ku i përshëndes shqiptarët, për mbështetjen që më kam marrë nga bashkëbiseduaesit, nga senatorët, nga administrata Trump, për të mos lejuar asnjë standart tjetër përvec atij europian në zgjedhje”, u shpreh Basha.
I pyetur nga gazetari: Prisni zgjidhje nga të huajt?, Basha u përgjigj se nuk do të ketë zgjedhje.
“Jo nuk presim zgjidhje nga të hujat, sepse nuk do të ishim ditën e 35 të protestës. Por edhe me investimin e parave të narkomafias shqiptare është e pamundur të ecet, prania ime këtu është një prani në vazhdim.
E kam fjalën për lobistët që shkojë nëpër botë dhe thonë për Shqipërinë. Sesi në qeverinë e Edi Ramës Shqipëria është kandisur me marijuanë dhe kokainë, dhe sesi procesi ekonomik është asgjësuar, që sot bëjnë ligjin në shtetin shqiptar dhe brenda Partisë Socialiste, dhe kjo njihet nga të gjithë. Këtu në Uashington shihet e ardhmja e Shqipërisë në Europë, por prengesa kryesore është kriminalizimi i vendit.”, u shpreh Basha. (M.D/ Shuplaka)
