Ministri i Punëve të Jashtme Ditmir Bushati reagon për sulmin terrorist të ndodhur sot në Shën Petersburg të Rusisë, ku 11 persona humbën jetën dhe dhjetra të tjera mbetën të plagosur. Bushati shpreh ngushëllimet për popullin rus dhe solidarizohet me ta për këtë ngjarje masakër.
“I trishtuar nga shpërthimet që shkaktuan të vrarë dhe të plagosur në metronë e Shën Peterburgut. Ngushëllime popullit rus. Qëndrojmë së bashku kundër terrorizmit!”, shkruan Bushati.
Shpërthimi thuhet se ka ndodhur në metronë e qytetit rus. Dëshmitarë nga vendngjarja janë shprehur rreth shpërthimit të papritur.“Unë isha duke zbritur kur papritur një zhurmë shpërthimi përshkoi tunelin”, -ka shkruar një dëshmitar në “Twitter”. (D.D/Shuplaka)
Discussion about this post