Një ditë pas intervistës së tij në rubrikën “Opinion” te News 24, analisti Andi Bushati ka lëshuar kritika të forta ndaj mediave online.
Sipas Bushatit, mediat nuk e kanë transmetuar të plotë intervistën e djeshme dhe pjesa e cila është censuruar është pikërisht ajo ku analisti kritikon Veliajn për lejet e ndërtimit.
Bushati shkprehet se është publikuar ajo çfarë ka thënë ai për Ramën Metën dhe Bashën, mirëpo është hequr pjesa ku ai ka kritikuar Veliajn.
“Isha sot në News 24 në rubrikën Opinion. Dhe si gjithnjë mediat online zbardhën çfarë kritikash kisha për Ramën, Metën, Bashën…vetëm një pjesë ishte zhdukur nga të gjitha mediat. Pjesa ku fola për Velinë dhe ndërtimin e ri që po bëhet tek ish parku i autobuzave”, shkruan Bushati.
Dhe në të vërtetë një pjesë e mirë e medieve online e kanë censuruar atë pjesë, ndërkohë “Shuplaka” sjell edhe një herë lajmin e djeshëm, ku Bushati kritikon Veliajn.
Pjesë nga lajmi i djeshëm:
Për ta ilustruar me një shembull këtë dukuri ai mori si rast Kryetarin e Bashkisë së Tiranës, Erion Veliaj. Bushati tha se Veliaj u premtoi zero ndërtime në Tiranë, ndërkohë që i rriti me 164% dhe ka dhënë lëje pafund.
“Para zgjedhjeve u thoshte Veliaj më jepni vota mua se keni 0 ndërtime në Tiranë dhe sapo vjen rrit me 164% lejet në Tiranë, dhe jep lejet pafund”, u shpreh ai.
(B.H/Shuplaka)
